Naven digl 01. da matg 2025 valan ils suandonts temps d’avertura per l’entira administraziun communala: Temps da spurtegl: Gliendisdis entochen venderdis: 09.30 – 11.30 e las 15.00 – 17.00 (mesjamna suentermiezdi serrau) Temps da telefon: Gliendisdis entochen venderdis: 08.00 – 12.00 e las 13.30 – 17.00 Engraziel fetg per l’enconuschientscha e capientscha.
Muort las lavurs da construcziun vid la casa d’ina famiglia (Chistell) resta la colligiaziun Via Dual denter la Via Dual e la Via Dual sut duront il temps da construcziun entochen october 2025 serrada. La serrada ei necessaria per saver installar ina tschaghegna per il plazzal. Il temps da bloccada exacta sa semidar tut tenor […]
In Abstimmung mit dem Amt für Jagd und Fischerei kann die Wildruhezone «Gonda» aufgrund der fortgeschrittenen Vegetation bereits auf den 1. April 2025 aufgehoben werden. Besten Dank der Kenntnisnahme.
Il prau da skis d’affons “Chinginas” ei serraus perviada d’in defect e munconza da neiv. Era l’ustria ei serrada. Bien engraziament per l’enconuschientscha
Link reportascha RTR: reportascha
Per saver cavar vinavon las fossas cun la maschina sto vegnir sligiau si ina nova retscha da fossas. Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter. Las suandontas fossas […]
Igl 1 d’avrel 2025 continueschan las lavurs da construcziun en connex cun la sanaziun dalla Via Dual sut a Falera (part Via Lavintgin – Via Samun). Ils possessurs pertuccai ed habitonts vegnan aunc informai a scret sur dils termins, menaschi e sviaments. Nus supplichein per capientscha ed enconuschientscha Fegl d’informaziun
Applicond igl art. 48 al. 4 dalla lescha davart la planisaziun dal territori (LPTGR) ha liug l’exposiziun da recuors pertuccont la revisiun parziala da la planisaziun locala che la suprastonza communala da Falera ha decidiu ils 9 da december 2024. Caussa: Revisiun parziala plan general d’avertura Actas d’exposiziun: plan d’avertura general 1:10’000; remplazzar la telecabina […]
Ella vischnanca da Falera ei actualmain en vigur ina zona da planisaziun per la revisiun dalla planisaziun locala ch’ei vegnida prolunghida per l’emprema gada ils 20 da fevrer 2023 (publicaziun dils 8 d’avrel 2021 resp. dils 23 da mars 2023). Sin basa d’art. 21 dalla Lescha davart la planisaziun dil territori per il cantun Grischun […]
Il resultat dalla votaziun anfleis Vus cheu
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug mesjamna, ils 5 da fevrer 2025, denter las 13.30 uras e las 15.00 uras. Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils […]
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei en futur ina ura da consultaziun cun la direcziun. Quella ha liug als suandonts termins: gliendisgis, ils 24 da fevrer 2025, dallas 8.00 fin las 9.30 uras gievgia, ils 15 […]
Nus fagein attents che naven digl 01-01-2025 valan exclusivamain las vignettas verdas per ils onns 2025 – 2027 per igl access el vitg. En cass d’eventualas controllas vegnan mo quellas vignettas acceptadas. Segirei per plascher che Vus haveis la dretga vignetta vi da Vies vehichel per evitar eventualas malemperneivladads. Nus supplichein per enconuschientscha ed engrazien […]
Per il 1. da matg 2025 ni tenor cunvegnientscha encurin nus ina persuna cun responsabladad sco guardia da serenera. Detagls mira inserat! Inserat ARA Gruob
Dil protocol dalla radunonza communala dils 13 da december 2024 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Naven digl 1. da schaner 2025 vegnan da niev tut las fatschentas per las lubientschas da baghegiar liquidadas Adressa da contact: Administraziun communala Laax, Uffeci da baghegiar Via Principala 60d, 7031 Laax Tel. +41 81 921 51 53, E-Mail bauamt@falera.net l’exposiziun publica dils plans sco era termins davart las proceduras per las lubientschas da baghegiar […]
Cun sonda, ils 21-12-2024 vegn il bus local e da skis Falera puspei ad esser en funcziun suenter urari.
Ils resultats dalla radunonza communala anfleis Vus cheu.
Dalla radunonza communala dils 4-10-2024 ei vegniu lubiu la lescha davart la restricziun da fiugs artificials. Tenor quella lescha vala il suandont: Sin igl entir territori communal eis ei buca lubiu da schar arder fiugs artificials che fan canera. Exclus da quei scamond ein fiugs artificials pli pigns sco bumbas cun surpresas, candeilas magicas, fiugs […]
Informaziuns actualisau 25-11-2024
Ils resultats dalla votaziun anfleis Vus cheu.
La plazza da glatsch da Falera ei puspei aviarta mintga di (mira fegl sgulont). Mintgamai il mardis naven dallas 18:30 enfin las 21:00 uras ei la plazza da glatsch reservada per in e scadin per il tir da glatsch. Fegl sgulont
Exposiziun publica dals plans per la construcziun e per la gestiun da las telecabinas dad otg Fuorcla – Crap Masegn e Fuorcla – Glatscher dal Vorab, stabiliment nr. 72.205/206 Vischnancas: Ilanz/Glion, Laax e Falera Petenta: Weisse Arena Bergbahnen AG, Via Murschetg 17, 7032 Laax Object: Construcziun e manaschi da telecabinas circularas dad otg da Fuorcla […]
Enrico Putzi ha gudignau il 2023 al «Swissskills» la medaglia d’aur sco «Automatiker». Suenter quella victoria ha Enrico astgau prender part als «Worldskills» ensemen cun siu partenari da lavur. Cun “Medallion for Excellence” ei il duo vegnius honoraus per lur exzellenta prestaziun. Cordiala gratulaziun Enrico.
Ils 19 d’october ei il di da l’astronomia. A caschun da quei di lein informar che las tablas d’informaziun suenter la via dils planets ein vegni revedidas. Ultra da quei po ins tschercar alla proxima spassegiada era igl asteroid “Falera”. Ulteriuras informaziuns davart la via dils planets anfleis sut: www.mirasteilas.ch. Plinavon sa ins retrer sin […]
Per serrar giu la sanaziun vid la Via Principala / Via Bigliac sto aunc la cuvrida fina vegnir fatga. Quellas lavurs ein planisadas sco suondont: Gievgia, ils 17 d’ october 2024 Via Bigliac (l’entira Via Bigliac) Las lavurs san denton vegnir fatgas mo sche l’aura ei buna. Duess quei buca esser il cass duront ils […]
La vischnaunca da Falera lai a tscheins el Center communal suenter cunvegnientscha ina habitaziun da 3 stanzas. Dapli informaziuns sut www.falera.net. Inserat
La direcziun ha elegiu dunna Franziska Bruhin da Sagogn sco nova collaboratura per l’informaziun da hosps Falera. Ella entscheiva sia lavur igl 1. d’october 2024. Nus gratulein a Franziska Bruhin per l’elecziun e giavischein ad ella bia plascher culla nova incumbensa.
Tractandas: Beinvegni, elecziun da dus dumbravuschs Constataziun dall’approbaziun dil protocol dalla radunonza communala ils 20-06-2024 Damonda da credit project Prau la Selva Flem Damonda da credit project per la protecziun encunter aua gronda Val da Schluein Approbaziun lescha davart la restricziun da fiugs artificials dalla vischnaunca Falera Informaziuns e varia Il messadi corrispundent sco era […]
La suprastonza communala envida las uniuns dil vitg tier ina sesida da coordinaziun pertuccont occurrenzas 2025. La sesida ha liug sco suonda: Mardis, ils 24-09-2024, allas 20:15 uras, la fermata, Gonda Nus sperein che mintga uniun sappi tarmetter silmeins in delegau dalla suprastonza. Seccapescha ein era persunas privatas, ch’ein interessadas dad organisar occurrenzas, envidadas tier […]
Mardis, ils 20 d’uost 2024 e venderdis, ils 23 d’uost 2024 resta la canzlia communala serrada. Nus supplichein per enconuschientscha.
Mardis, ils 20 d’uost 2024 allas 19.00 uras, envidan las vischnauncas da Flem, Laax e Falera vischinas e vischins interessai ad in’orientaziun publica davart il project «Parc da sport e da temps liber Prau la Selva» cun in apero suandont. Uras: 19.00 uras (avertura dallas portas allas 18.30 uras) Data: Mardis, ils 20-08-2024 […]
La proxima radunonza communala ha liug vendergis, ils 4. d’october 2024. Nus supplichein per enconuschientscha.
La vischnaunca da Falera enquera sigl 1. da november 2024 ni tenor cunvegnientscha in/a collaboratur/a informaziun per hosps (50-70 %). Ulteriuras informaziuns anfleis Vus egl inserat per la plazza. Inserat
Ord motivs dalla polizia da fiug ha la suprastonza communala decidiu in scamond da fiugs artificials per il di dalla fiasta naziunala. Il scamond da fiugs artificials vala pigl entir territori da vischnaunca. Ei vegn fatg controllas corrispundentas. Nus supplichein per enconuschientscha ed engraziein per l’observaziun da quei scamond da fiugs artificials.
Dil protocol dalla radunonza communala dils 20 da zercladur 2024 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Promova aviuls e bratta cun. Informaziun Publicaziun brattar caglias 2024 Annunzia 2024
La senda da viandar e da velo «Mutta da Ladir – Alp Dadens Falera» vegn serrada ad interim muort curdada da crappa e prighel da bovas. Entrar e carrar succeda sin atgna responsabladad. La ruta «Crap Masegn – Mutta da Ladir» resta aviarta. Ei vegn supplichau per enconuschientscha.
A caschun dalla sesida dils 24 da zercladur 2024 ei la suprastonza communala seconstituida sco suonda: President communal: Norbert Good Vicepresident: Maurus Candreja Administraziun generala, persunal da vischnaunca, turissem, fatgs da scola Cau: Norbert Good Substitut: Reto Schwitter Finanzas, taglias, svilup dil vitg Cau: Maurus Candreja Substitut: Norbert Good Fatgs da baghegiar e planisaziun, vias […]
Gievgia, ils 20 da zercladur 2024, 20.15 uras, la fermata Tractandas: Beinvegni, elecziun da dus dumbravuschs Constataziun dall’approbaziun dils protocols dallas radunonzas communalas dils 27-10-2023 e 19-12-2023 Rapport annual e rendaquen pils 31-12-2023 – Rapport annual dil president – Quen annual 2023 – Rapport dalla cumissiun da gestiun – Approbaziun dil rapport e dil quen, […]
1. Lieu e durada da l’exposiziun Las actas dal project ed il rapport davart la cumpatibilitad ecologica èn exponids dals 17 da matg 2024 fin ils 17 da zercladur 2024 tar las administraziuns communalas da la vischnanca da Schluein, Administraziun communala, Via Veglia 11, 7151 Schluein, da la vischnanca da Falera, Administraziun communala, Via Principala […]
La proxima radunonza communala ha liug gievgia, ils 20 da zercladur 2024. Nus supplichein per enconuschientscha.
Naven dils 6 da matg 2024 entscheivan las lavurs da construcziun en connex cun la sanaziun dalla Via Dual sut/Via Scarsaluis. Eventuals sviaments vegnan signalisai entras la fatschenta da baghegiar. Nus supplichein da risguardar las signalisaziuns e suandar als muossavias. Ils possessurs pertuccai ein informai sur dils termins, menaschi e sviaments. Plinavon ein tuttas informaziuns […]
Informaziuns
Muort midadas dallas storas sulegl vid la fermata, sto la via vegnir serrada en quei liug pil traffic gliendisgis, ils 22 da avrel 2024 naven dallas 7.00 uras entochen mesjamna, ils 24 da avrel ca. las 17.00 uras. Nus supplichein da risgaurdar las signalisaziuns corrispundentas ed engraziein per la capientscha.
Tenor lescha da tgauns dalla vischnaunca da Falera valan las suandontas prescripziuns: Tgauns ein da tener aschia, ch’els pericliteschen ni disturban buca glieud ni animals e donnegieschan buca possess jester. Ni duront il di ni duront la notg astgan tgauns ir liber entuorn senza survigilonza. Sin implonts publics sco era egl uaul, sin praus e […]
Sco gia communicau e publicau ha Gieri Blumenthal inoltrau sia demissiun sco commember da suprastonza. Il commember da suprastonza actual, Luca Casutt, ha decidiu da surprender il departament «fatgs da baghegiar». Aschia vegn siu departament «economia, turissem, cultura, sport» libers. Persunas ch’ein interessadas da surprender quei post sigl 1-7-2024 contacteschen per plascher Norbert Good (Tel. […]