Muort las lavurs da construcziun vid la casa d’ina famiglia (Chistell) resta la colligiaziun Via Dual denter la Via Dual e la Via Dual sut duront il temps da construcziun entochen october 2025 serrada. La serrada ei necessaria per saver installar ina tschaghegna per il plazzal. Il temps da bloccada exacta sa semidar tut tenor il progress da construcziun. Risguardei per plascher las signalisaziuns.
Nus engraziein per Vossa capientscha.
La canzlia communala resta serrada naven da venderdis, ils 18 d’avrel 2025 entochen e cun gliendisdis Pastgas, ils 21 d’avrel 2025.
Nus supplichein per enconuschientscha e giavischein a tuts bialas Pastgas.
In Abstimmung mit dem Amt für Jagd und Fischerei kann die Wildruhezone «Gonda» aufgrund der fortgeschrittenen Vegetation bereits auf den 1. April 2025 aufgehoben werden.
Besten Dank der Kenntnisnahme.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Il prau da skis d’affons “Chinginas” ei serraus perviada d’in defect e munconza da neiv.
Era l’ustria ei serrada.
Bien engraziament per l’enconuschientscha
Link reportascha RTR:
Per saver cavar vinavon las fossas cun la maschina sto vegnir sligiau si ina nova retscha da fossas.
Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.
Las suandontas fossas vegnan sligiadas si:
nr. 48 Anna Cavelti
nr. 49 Philip Cathomen
nr. 50 Paulina Casutt – Casutt
nr. 51 Josef Basig –Jnäbnit / Heidi Cantieni – Basig
nr. 52 Nikolaus Telli – Casutt
Suenter haver giu consultau ils vegnentsuenter vegnan las fossas sura numnadas schligiadas si anticipadamein respective sin fin matg 2025.
Nus supplichein per enconuschientscha ed engraziein als vegnentsuenter per lur beinvulientscha.
Applicond igl art. 48 al. 4 dalla lescha davart la planisaziun dal territori (LPTGR) ha liug l’exposiziun da recuors pertuccont la revisiun parziala da la planisaziun locala che la suprastonza communala da Falera ha decidiu ils 9 da december 2024.
Caussa:
Revisiun parziala plan general d’avertura
Actas d’exposiziun:
plan d’avertura general 1:10’000; remplazzar la telecabina Crap Masegn – Fuorcla – Vorab
Basas:
Rapport da planisaziun e cooperaziun incl. aschuntas
Termin d’exposiziun:
ils 13 da mars 2025 entochen ils 11 d’avrel 2025
Liug e temps d’exposiziun:
Administraziun communala Falera, Via Principala 45c, 7153 Falera, duront las uras d’avertura ordinarias.
Recuors da planisaziun:
Persunas che han in interess persunal dign da protecziun ni ch’ein legitimadas tenor dretg federal da contestar in cuntegn dalla planisaziun, san inoltrar alla regenza en scret enteifer 30 dis in recuors da planisaziun encunter la planisaziun locala.
Organisaziuns per la protecziun digl ambient:
Organsiaziuns per la protecziun digl ambient san far diever da lur dretg da recuors tenor mesira digl art. 104 alinea 2 dalla lescha cantunala davart la planisaziun dil territori, quei vul dir ei s’annunzian enteifer il termin da recuors tiegl uffeci cantunal per il svilup dil territori ed inoltreschan silsuenter eventualmein ina posiziun.
Ella vischnanca da Falera ei actualmain en vigur ina zona da planisaziun per la revisiun dalla planisaziun locala ch’ei vegnida prolunghida per l’emprema gada ils 20 da fevrer 2023 (publicaziun dils 8 d’avrel 2021 resp. dils 23 da mars 2023). Sin basa d’art. 21 dalla Lescha davart la planisaziun dil territori per il cantun Grischun (LPTGR) ha la suprastonza communala decidiu alla seduta dils 9 da december 2024 da prolungir la zona da planisaziun ad interim per ulteriurs dus onns entochen ils 8 d’avrel 2027 sco suonda:
Intent dalla zona da planisaziun
a) examinar ed adattar las zonas da baghegiar (zonas da habitar, zonas mischedadas e zonas dil center) tenor las directivas d’art. 15 al. 1 e 2 dalla Lescha federala davart la planisaziun dil territori (LPT) e dil plan directiv cantunal – habitadi (PDC-H);
b) realisar las ulteriuras directivas tenor art. 15 LPT sco era dil PDC-H, en special quei che risguarda la promoziun d’in svilup architectonic d’aulta qualitad dil habitadi viers anen;
c) realisar las directivas dil LPTGR revediu.
Ella zona da planisaziun astga vegnir fatg nuot che savess engrevegiar ni cuntrariar la planisaziun nova. En special astgan projects da construcziun vegnir lubi mo sch’els cunterfan buc allas planisaziuns e prescripziuns vertentas ni allas planisaziuns e prescripziuns novas previdas (art. 21 al. 2 LPTGR).
Il Departament d’economia publica e fatgs socials ha approbau la prolungaziun dalla zona da planisaziun cun decret dils 4 da mars 2025.
La suprastonza communala seresalva da concretisar da tut temps la zona da planisaziun tenor il stan da planisaziun mintgamai actual resp. d’adattar ella al stan da planisaziun actual.
La relaschada dalla zona da planisaziun sa vegnir contestada cun recuors da planisaziun alla regenza dil cantun Grischun enteifer 30 dis suenter la publicaziun (art. 101 al. 1 LPTGR).
La vischnaunca da Falera offerescha lenna da brisch sco suonda:
Liug (plaz da lenna): Curtgani ni avon casa
Prezi:
pégn, plaz da lenna, frs. 76.–/m3
pégn, avon casa, frs. 91.–/m3 (access cun camiun sto esser pusseivel)
lenna dira, plaz da lenna, frs. 114.–/m3
lenna dira, avon casa, frs. 129.–/m3 (access cun camiun sto esser pusseivel)
La surdada succeda en fuorma da lenna liunga. Las empustaziuns ein d’inoltrar entochen ils 21 da mars 2025 a scret all’administraziun communala Falera (E-Mail: info@falera.net).
Muort il firau da Sogn Giusep resta l’administraziun communala serrada mesjamna, ils 19 da mars 2025.
Nus supplichein per enconuschientscha. Bien engraziament.
Il resultat dalla votaziun anfleis Vus cheu
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 6 da fevrer 2025 15.00-17.00 uras
venderdis, ils 7 da fevrer 2025 15.00-17.00 uras
dumengia, ils 9 da fevrer 2025 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 7 da fevrer 2025 tier la canzlia communala.
Sonda, ils 22 da mars 2025 dallas 20.00 uras / cun tscheina naven dallas 18.00 uras
Dumengia, ils 23 da mars 2025 dallas 19.00 uras
en la fermata, Falera
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.
Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.
La suprastonza communala decida las suandontas taxas per tut las taglias communalas:
Il tscheins da retard pigl onn 2025 munta 4 %.
Il tscheins da bunificaziun pigl onn 2025 vegn fixaus sin 0.25 %.
Las taxas d’incasso muntan:
Secunda admoniziun CHF 30.—
Damonda da stumadira CHF 100.—
Pretensiun d’avertura da dretg CHF 200.—
Stizzada concedida d’ina inscripziun el register da stumaziun CHF 30.—
Quellas tariffas valan era per tut las ulteriuras pretensiuns dalla vischnaunca.
Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:
Il tscheins da retard pigl onn 2025 munta 4 %.
Las taxas d’incasso e las taxas per controllas/examinaziuns muntan:
Secunda admoniziun CHF 30.—
Damonda da stumadira CHF 100.—
Pretensiun d’avertura da dretg CHF 200.—
Stizzada concedida d’ina inscripziun el register da stumaziun CHF 30.—
Controllas ed examinaziuns supplementaras CHF100.—/ura
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug
mesjamna, ils 5 da fevrer 2025, denter las 13.30 uras e las 15.00 uras.
Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.
Ulteriuras informaziuns e reglas da secuntener anfleis Vus sin la pagina d’internet digl uffeci federal per la protecziun dalla populaziun BABS, la pagina d’internet dad Alertswiss sco era sin teletext dils emetturs dad SSR, paginas 680 e 681.
Nus supplichein per enconuschientscha.
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei en futur ina ura da consultaziun cun la direcziun.
Quella ha liug als suandonts termins:
gliendisgis, ils 24 da fevrer 2025, dallas 8.00 fin las 9.30 uras
gievgia, ils 15 da matg 2025, dallas 12.30 fin las 14.00 uras
gliendisgis, ils 11 d’uost 2025, dallas 8.00 fin las 9.30 uras
gievgia, ils 20 da november 2025, dallas 12.30 fin las 14.00 uras.
Per garantir in discuors productiv supplichein nus per preannunzia e indicaziun dil tema sut ispeck@falera.net.
Nus fagein attents che naven digl 01-01-2025 valan exclusivamain las vignettas verdas per ils onns 2025 – 2027 per igl access el vitg. En cass d’eventualas controllas vegnan mo quellas vignettas acceptadas. Segirei per plascher che Vus haveis la dretga vignetta vi da Vies vehichel per evitar eventualas malemperneivladads.
Nus supplichein per enconuschientscha ed engrazien per Vossa capientscha!
La taglia da tgauns per igl onn 2025 ei da pagar naven d’immediat entochen sil pli tard ils 28 da fevrer 2025 al spurtegl dalla canzlia communala.
La taxa per igl emprem tgaun munta a frs. 40.—. Per mintga ulteriur tgaun el medem tenercasa munta la taxa frs. 110.—.
Dil protocol dalla radunonza communala dils 13 da december 2024 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
La suprastonza communala envida ensemen cun l’uniun samaritana Falera/Laax tuttas convischinas e tuts convischins sco era tuts hosps tier in aperitiv da Daniev.
Nus s’entupein igl 1. da schaner 2025 naven dallas 16.00 – 18.00 uras sil Plaz Fontauna. Communablamein lein nus far in viva sil niev onn.
Nus selegrein sin biaras visitadras e biars visitaders.
Ils pigneuls da Nadal san vegnir dismess mintgamai sper ils posts da rimnada da rumien ufficials (molocs) en vischnaunca.
Ils pigneuls ch’ein deponi en quels loghens vegnan rimnai e dismess dils luvrers communals gratuitamein. Pigneuls ch’ein buca dismess sper ils post da rimnada da rumien ufficials (molocs) vegnan buca rimnai dils luvrers communals.
Nus supplichein per enconuschientscha.
Naven digl 1. da schaner 2025 vegnan da niev tut las
fatschentas per las lubientschas da baghegiar liquidadas
Adressa da contact:
Administraziun communala Laax, Uffeci da baghegiar
Via Principala 60d, 7031 Laax
Tel. +41 81 921 51 53, E-Mail bauamt@falera.net
l’exposiziun publica dils plans sco era termins davart
las proceduras per las lubientschas da baghegiar han
liug egl uffeci da baghegiar da Laax. Termins persunals
ein pusseivels mo tenor cunvegnientscha per e-mail ni
per telefon.
Uras d’avertura da spurtegl:
Gliendisdis–venderdis 8.00–9.00 e 16.00–17.00
Info uffeci da baghegiar / infrastructura:
Tut ils auters giavischs specifics da construcziun sco
damondas d’infrastructura, vias, etc. vegnan plinavon
liquidai sur l’administraziun communala da Falera.
Adressa a mail: info@falera.net
Preziadas convischinas e preziai convischins
Preziai hosps
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2024.
Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.
Cun sonda, ils 21-12-2024 vegn il bus local e da skis Falera puspei ad esser en funcziun suenter urari.
Ils resultats dalla radunonza communala anfleis Vus cheu.
La canzlia communala stat serrada ils suandonts dis:
mardis, ils 24 da december 2024
mesjamna, ils 25 da december 2024
gievgia, ils 26 da december 2024
mardis, ils 31 da december 2024
mesjamna, igl 1. da schaner 2025
gievgia, ils 2 da schaner 2025
Dumengia, ils 16 da fevrer 2025
Ils pigneuls empustai san vegnir retratgs venderdis, ils 20 da december 2024 naven dallas 12.30 – 13.00 uras en la fermata a Falera.
Ils pigneuls ston vegnir pagai ordavon sin canzlia communala.
Dalla radunonza communala dils 4-10-2024 ei vegniu lubiu la lescha davart la restricziun da fiugs artificials.
Tenor quella lescha vala il suandont:
Sin igl entir territori communal eis ei buca lubiu da schar arder fiugs artificials che fan canera. Exclus da quei scamond ein fiugs artificials pli pigns sco bumbas cun surpresas, candeilas magicas, fiugs bengals, vulcans, salvas e murters a caschun da festivitads ecclesiasticas.
Nus supplichein da setener vid las restricziuns.
Il preventiv vegn tarmess tier els proxims dis a tuttas casadas. Ulteriurs exemplars san ins retrer tier l’administraziun communala ni cargar giu dalla pagina d’internet dalla vischnaunca. Il messadi corrispundent ei medamein publicaus sin la pagina d’internet dalla vischnaunca.
Venderdis suentermiezdi, ils 6 da december 2024 resta la canzlia communala serrada.
Nus supplichein per enconuschientscha.
Informaziuns actualisau 25-11-2024
Sonda, ils 4 da schaner 2025
Ils resultats dalla votaziun anfleis Vus cheu.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Las lubientschas da carrar/vignettas actualas blauas valeivlas pils onns 2022-2024 ein mo pli valeivlas entochen ils 31 da december 2024. Naven digl 1. da schaner 2025 ein perquei mo pli las novas lubientschas da carrar verdas pils onns 2025-2027 valeivlas. Nus supplichein da retrer ad uras las novas lubientschas da carrar. Cas cuntrari rischeis Vus ina multa disciplinara corrispundenta tier ina controlla da traffic.
Las novas lubientschas da carrar/vignettas per habitonts, proprietaris da beins immobiliars, fittadins e fittadins permanents, valeivlas pils onns 2025-2027, san vegnir retratgas tier l’administraziun communala naven digl 1. da december 2024 per CHF 10.–. Las persunas autorisadas (indigens, proprietaris da bains immobiliars, fittadins e fittadins permanents) ston inoltrar ina copia dil certificat dil vehichel per retrer la lubienscha da carrar/vignetta pigl agen vehichel. Encunter ina taxa d’elavuraziun da CHF 2.— ei era ina consegna per posta pusseivla. En quei cass saveis Vus tarmetter naven digl 1. da december 2024 l’empustaziun ed il certificat dil vehichel correspundent per E-Mail sin info@falera.net. Las lubientschas da carrar melnas sco tochen da cheu per visitaders/famigliars e las lubientschas da carrar/vignettas per il traffic da lavur restan senza midadas.
Las prescripziuns da traffic corrispundentas ed il reglament per far diever dallas vias e sendas communalas ein publicai sin la pagina d’internet dalla vischnaunca www.falera.net.
Nus supplichein per enconuschientscha.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
La plazza da glatsch da Falera ei puspei aviarta mintga di (mira fegl sgulont).
Mintgamai il mardis naven dallas 18:30 enfin las 21:00 uras ei la plazza da glatsch reservada per in e scadin per il tir da glatsch.
Exposiziun publica dals plans per la construcziun e per la gestiun da las telecabinas dad otg Fuorcla – Crap Masegn e Fuorcla – Glatscher dal Vorab, stabiliment nr. 72.205/206
Vischnancas:
Ilanz/Glion, Laax e Falera
Petenta:
Weisse Arena Bergbahnen AG, Via Murschetg 17, 7032 Laax
Object:
Construcziun e manaschi da telecabinas circularas dad otg da Fuorcla fin Crap Masegn e da Fuorcla sin il Glatscher dal Vorab cun ina capacitad da transport da 2000 p/h resp. 1500 p/h. Implants da diever ed implants da retransport. Remplazzament da la telecabina existenta da l’onn 1978 sin il medem traject. Las infrastructuras da las staziuns existentas sin il Crap Masegn e sin il Glatscher dal Vorab sco er la gronda part dals fundaments da la pitgas vegnan duvradas vinavant.
Telecabina Fuorcla – Crap Masegn:
Staziun da val Fuorcla: 2122,12 m s.m.
Staziun da muntogna Crap Masegn: 2478,55 m s.m.
Staziun da val Fuorcla:
Edifizi per tuttas duas secziuns, staziun da deviaziun cun in plaun sutterran da betun, fatschada d’atschal e da lain, tetg da tola, local da cumond, local da prestaziun al plaun sutterran, tut ils indrizs necessaris per la tecnica e per il manaschi da la telecabina
.
Staziun da muntogna Crap Masegn:
Staziun da tracziun, construcziun d’ina nova staziun cumpacta annexa davant l’edifizi da la staziun existenta, local da cumond; adattaziuns dal terren, tut las installaziuns necessarias per la tecnica e per il manaschi da la telecabina.
Ulteriuras indicaziuns:
Vehichels: 36 cabinas dad otg; differenza d’autezza: 356,43 m; lunghezza orizontala: 1091,82 m; lunghezza inclinada: 1156,36 m; dumber da pitgas: 9 pitgas da bischens radunds; manaschi d’enviern, transport amunt ed aval.
Telecabina Fuorcla – Glatscher dal Vorab:
Staziun da val Fuorcla: 2122,12 m s.m.
Staziun da muntogna Glatscher dal Vorab: 2573,83 m s.m.
Staziun da val Fuorcla:
Edifizi per tuttas duas secziuns, staziun da deviaziun cun in plaun sutterran da betun, fatschada d’atschal e da lain, tetg da tola, local da cumond, local da prestaziun al plaun sutterran, tut ils indrizs necessaris per la tecnica e per il manaschi da la telecabina.
Staziun da muntogna Glatscher dal Vorab:
Staziun da tracziun, construcziun d’ina nova staziun cumpacta annexa davant l’edifizi da la staziun existenta, local da cumond; adattaziuns dal terren, tut las installaziuns necessarias per la tecnica e per il manaschi da la telecabina.
Ulteriuras indicaziuns:
Vehichels: 50 cabinas dad otg; differenza d’autezza: 451,71 m; lunghezza orizontala: 2439,13 m; lunghezza inclinada: 2483,77 m, dumber da pitgas: 17 pitgas da bischens radunds; manaschi d’enviern, transport amunt ed aval.
Ulteriurs detagls dal project da construcziun èn cuntegnids en l’exposiziun publica dals plans.
Elements dal project/stabiliments accessorics:
Sco elements dal project da pendiculara valan las suandantas infrastructuras resp. lavurs da construcziun:
Ulteriurs detagls en chaussa èn cuntegnids en l’exposiziun publica dals plans.
Stabiliments accessorics (pistas, indrizs d’ennavar e.u.v.) n’èn colliads nagins cun il project qua avant maun.
Obligaziun da far in’examinaziun ecologica:
Per projects da pendicularas en la procedura d’approvaziun dals plans ordinaria sto vegnir fatga in’examinaziun ecologica tenor la cifra 60.1 da l’agiunta da l’Ordinaziun davart l’examinaziun ecologica (OEE; CS 814.011). La petenta ha agiuntà in rapport davart la cumpatibilitad ecologica tenor l’art. 8a OEE als documents dal project.
Permissiun excepziunala:
Per perfuraziuns ed intervenziuns en in sectur spezialmain periclità Au tenor l’art. 19 al. 1 da la Lescha federala davart la protecziun da las auas (LPAuas; CS 814.20).
Procedura:
La procedura d’approvaziun dals plans sa drizza tenor la Lescha federala davart la procedura administrativa (LFPA; CS 172.021), premess che la Lescha federala davart las telefericas transportond persunas (LTTrP, CS 743.01) na divergeschia betg da tala. Subsidiarmain vegn applitgada la Lescha da viafier (LViafier; CS 742.101). L’autoritad directiva per la procedura e l’autoritad d’approvaziun è l’Uffizi federal da traffic.
Exposiziun publica:
Ils plans pon vegnir consultads da venderdi, ils 8 da november, fin glindesdi, ils 9 da decem-ber 2024, durant las uras d’avertura ordinarias en las administraziuns communalas da las vi-schnancas dad Ilanz/Glion, Laax e Falera.
Stajaziun:
Tenor l’art. 13 da l’Ordinaziun davart las telefericas transportond persunas (OTTrP, CS 743.011) sto in project da pendicularas vegnir stajà resp. profilà. La petenta ha agiuntà per quest intent in concept da stajaziun. La stajaziun è vegnida fatga a norma da quest concept (profilaziun da las staziuns, stajaziun dals lieus da las pitgas, ulteriuras infrastructuras).
Protestas:
Tgi ch’è partida tenor las prescripziuns da la LFPA, po far protesta tar l’autoritad d’approvaziun durant il temp d’exposiziun.
Tgi ch’è partida tenor las prescripziuns da la Lescha federala davart l’expropriaziun (LExpr; CS 711), po far valair tut las dumondas tenor l’art. 33 LExpr durant il temp d’exposiziun (pro-testas cunter l’expropriaziun; dumondas tenor ils art. 7–10 LExpr; dumondas da prestaziuns materialas tenor l’art. 18 LExpr; dumondas d’extensiun da l’expropriaziun tenor l’art. 12 LExpr; dumondas d’indemnisaziun da l’expropriaziun).
Las protestas ston vegnir inoltradas en scrit entaifer il temp d’exposiziun (data dal bul postal) en dus exemplars a l’Uffizi federal da traffic, Secziun Permissiuns I, 3003 Berna. Tgi che na fa betg protesta, è exclus da l’ulteriura procedura.
Objecziuns cunter la stajaziun ston vegnir inoltradas immediatamain a l’Uffizi federal da traffic, en mintga cas dentant avant ch’il temp d’exposiziun è scadì (art. 18c al.