Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 15 da november 2024 tier la canzlia communala (081 921 35 15).
Introduciu la nova carta d‘indigens sco project regiunal innovativ dalla digitalisaziun
Las vischnauncas Flem, Laax e Falera han plascher da communicar ch’ellas han introduciu cun success la nova carta digitala d‘indigens. Il project regiunal innovativ dalla digitalisaziun ha la vischnaunca da Flem, sco menadra da project, realisau en stretga collaboraziun culla Gruppa Arena Alva. El cumbinescha la tecnologia pli moderna culs basegns dalla populaziun locala.
Avantatgs per habitontas e habitonts, partenaris da prestaziuns e vischnauncas
La nova carta porscha la pusseivladad da far, a moda sempla, la damonda digitala per quei attest e d’administrar reducziuns ed avantatgs. La carta vegn tarmessa a casa ed ins sa cargar ella digitalmein sil telefonin. Ils partenaris da prestaziun profitescha d’ina fetg buna integraziun e las vischnauncas san garantir in’administraziun optimada ed in meglier service.
Innovaziun tecnologica e protecziun da datas
La nova carta sebasa silla pli nova tecnologia „open house“, ella ademplescha las pretensiuns pli aultas da segirtad e discreziun. Tuttas datas digitalas vegnan conservadas en Svizra quei che garantescha da tut temps la controlla dallas datas.
Ulteriuras informaziuns pertuccont la carta d’indigens anfleis Vus sut www.einheimisch-ausweis.ch.
Vischnauncas Flem Laax Falera
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 21 da november 2024 15.00-17.00 uras
venderdis, ils 22 da november 2024 15.00-17.00 uras
dumengia, ils 24 da november 2024 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 22 da november 2024 tier la canzlia communala.
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.
Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.
Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus il purs pertuccai da s’annunziar a scret tier la canzlia communala entochen ils 4 da november 2024 cun indicar nua e per tgei temps ina rumida fuss necessaria.
Sonda, ils 9 da november 2024 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
batterias da motos frs. 5.– per toc
batterias d’auto pign/grond frs. 10.–/20.– per toc
pneus da privats senza gaveglias frs. 5.– per toc
pneus da privats cun gaveglias frs. 10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
Ils 19 d’october ei il di da l’astronomia. A caschun da quei di lein informar che las tablas d’informaziun suenter la via dils planets ein vegni revedidas. Ultra da quei po ins tschercar alla proxima spassegiada era igl asteroid “Falera”.
Ulteriuras informaziuns davart la via dils planets anfleis sut: www.mirasteilas.ch. Plinavon sa ins retrer sin l’informaziun da hosps flyers en connex cun la via dils planets.
Per serrar giu la sanaziun vid la Via Principala / Via Bigliac sto aunc la cuvrida fina vegnir fatga. Quellas lavurs ein planisadas sco suondont:
Las lavurs san denton vegnir fatgas mo sche l’aura ei buna. Duess quei buca esser il cass duront ils dis indicai, sche vegnan las lavurs spustadas entochen che l’aura lai puspei tier las lavurs.
Duront las lavurs vid la cuvrida fina sto la Via Principala naven dil parcadi “Fandrels” vegnir serrada per tut il traffic. Era vegn la Via Bigliac buca ad esser carrabla duront il di dallas lavurs. Medemamein sto vegnir quintau cun impediments da traffic sco era emissiuns da canera. Possessurs che han duront il temps da che la cuvrida fina vegn fatga negin access tier lur parcella, san parcar lur autos gratuitamein sil parcadi a Fandrels. Nus supplichein perquei da parcar entuorn ad uras Vies auto, per che Vus sappies carrar naven duront ils dis che la via ei serrada.
Ulteriuras informaziuns anfleis sin nossa pagina d’internet www.falera.net.
Nus supplichein per enconuschientscha ed engraziein per Vossa capientscha.
Ils resultats dalla radunonza communala anfleis Vus cheu.
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziuns executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.
Persunas ch’ein obligadas da far pumpiers e che lessan prestar survetsch san s’annunziar entochen ils 22 da november 2024 cul formular corrispundent. Il formular ei publicaus sin la pagina d’internet https://www.laax-gr.ch.
Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 22 da november 2024 tiel cumandant da pumpiers.
Per ulteriuras informaziuns stat il cumandant da pumpiers, Sebastian Schulz (Natel 079 309 94 98 ni E-Mail: feuerwehr@laax-gr.ch) bugen a disposiziun.
Ils resultats dalla vischnaunca Falera anfleis Vus cheu.
La direcziun ha elegiu dunna Franziska Bruhin da Sagogn sco nova collaboratura per l’informaziun da hosps Falera. Ella entscheiva sia lavur igl 1. d’october 2024.
Nus gratulein a Franziska Bruhin per l’elecziun e giavischein ad ella bia plascher culla nova incumbensa.
Tractandas:
Il messadi corrispundent sco era la lescha davart la restricziun da fiugs artificials san ins retrer sin canzlia communala ni cargar giu dalla pagina d’internet dalla vischnaunca www.falera.net.
La suprastonza communala envida las uniuns dil vitg tier ina sesida da coordinaziun pertuccont occurrenzas 2025.
La sesida ha liug sco suonda:
Mardis, ils 24-09-2024, allas 20:15 uras, la fermata, Gonda
Nus sperein che mintga uniun sappi tarmetter silmeins in delegau dalla suprastonza.
Seccapescha ein era persunas privatas, ch’ein interessadas dad organisar occurrenzas, envidadas tier quella sesida.
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).
Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 31 d’october 2024.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 19 da settember 2024 15.00-17.00 uras
venderdis, ils 20 da settember 2024 15.00-17.00 uras
dumengia, ils 22 da settember 2024 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 20 da settember 2024 tier la canzlia communala.
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.
Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.
Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2024.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Mardis, ils 20 d’uost 2024 e venderdis, ils 23 d’uost 2024 resta la canzlia communala serrada.
Nus supplichein per enconuschientscha.
Mardis, ils 20 d’uost 2024 allas 19.00 uras, envidan las vischnauncas da Flem, Laax e Falera vischinas e vischins interessai ad in’orientaziun publica davart il project «Parc da sport e da temps liber Prau la Selva» cun in apero suandont.
Uras: 19.00 uras (avertura dallas portas allas 18.30 uras)
Data: Mardis, ils 20-08-2024
Liug: Aula, Casa da scola, Via Grava 43, 7031 Laax
La proxima radunonza communala ha liug vendergis, ils 4. d’october 2024.
Nus supplichein per enconuschientscha.
La vischnaunca da Falera enquera sigl 1. da november 2024 ni tenor cunvegnientscha in/a collaboratur/a informaziun per hosps (50-70 %).
Ulteriuras informaziuns anfleis Vus egl inserat per la plazza.
Muort il firau da Nossadunna d’uost resta l’administraziun communala serrada gievgia, ils 15 d’uost 2024 igl entir di.
Nus supplichein per enconuschientscha.
Gievgia, igl 1. d’uost 2024
Gievgia, igl 1. d’uost 2024
Naven dils 22 da fenadur tochen e cun ils 2 d’uost 2024 resta igl uffeci da baghegiar serraus en consequenza da vacanzas. Duront quei temps vegnan publicadas neginas damondas da baghegiar. L’investa en publicaziuns exponidas ei garantida. Engraziel fetg per Vossa capientscha.
Uniuns e persunas che lessan far diever dalla halla plurivalenta el center communal ni dallas localitads en la fermata ein supplicadas da far ina damonda a scret alla canzlia communala entochen ils 2 d’uost 2024.
Ord motivs dalla polizia da fiug ha la suprastonza communala decidiu in scamond da fiugs artificials per il di dalla fiasta naziunala. Il scamond da fiugs artificials vala pigl entir territori da vischnaunca.
Ei vegn fatg controllas corrispundentas.
Nus supplichein per enconuschientscha ed engraziein per l’observaziun da quei scamond da fiugs artificials.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dil protocol dalla radunonza communala dils 20 da zercladur 2024 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Dacuort ha nossa emprendista Nina Peng terminau cun fetg bien success ils examens finals sco commercianta tier l’administraziun communala Falera. Nus gratulein a Nina per quei success e giavischein pil futur bia plascher e satisfacziun en sia veta privata e professiunala.
La senda da viandar e da velo «Mutta da Ladir – Alp Dadens Falera» vegn serrada ad interim muort curdada da crappa e prighel da bovas.
Entrar e carrar succeda sin atgna responsabladad.
La ruta «Crap Masegn – Mutta da Ladir» resta aviarta.
Ei vegn supplichau per enconuschientscha.
A caschun dalla sesida dils 24 da zercladur 2024 ei la suprastonza communala seconstituida sco suonda:
President communal: Norbert Good
Vicepresident: Maurus Candreja
Sonda, igl 1. da mars 2025
Venderdis, ils 14 da fevrer 2025
Ils resultats dalla radunonza communala anfleis Vus cheu.
Venderdis, ils 3 da schaner 2025
Sonda, igl 1. da fevrer 2025
Gievgia, ils 20 da zercladur 2024, 20.15 uras, la fermata
Tractandas:
Il rapport e quen annual 2023 vegnan tarmess tier a mintga casada. Ulteriurs exemplars sco era il messadi per la radunonza communala san ins reter sin canzlia communala ni cargar giu dalla pagina d’internet dalla vischnaunca www.falera.net.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 6 da zercladur 2024 15.00-17.00 uras
venderdis, ils 7 da zercladur 2024 15.00-17.00 uras
dumengia, ils 9 da zercladur 2024 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 7 da zercladur 2024 tier la canzlia communala.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.