Sanaziun Via Principala, Falera – Impediments muort lavurs da construcziun

/in /by

Ils 11 d’avrel 2023 entscheivan las lavurs da construcziun en connex cun la sanaziun dalla Via Principala a Falera (part Plaz Gliendras entochen spartida Via Canal). Las lavurs da construcziun vegnan fatgas en treis etappas cun entscheiver ella part davos (Ustria Casa Seeli). Il temps da construcziun planisaus da tuttas 3 etappas munta rodund 3 meins (finiziun dallas lavurs ei probabel ils 14 da fenadur 2023).

Eventuals sviaments vegnan signalisai entras la fatschenta da baghegiar. Nus supplichein da risguardar las signalisaziuns e suandar als muossavias.

Ils possessurs pertuccai ed habitonts vegnan informai aschi spert sco pusseivel sur dils termins, menaschi e sviaments. Plinavon ein tuttas informaziuns cun program da construcziun publicai naven dad oz sin nossa pagina d’internet www.falera.net. Las actas ed ils programs da construcziun vegnan actualisai cuntinuadamein tenor andament ed influenzas da l’aura.

Bien engraziament per la capientscha.