Santeri Falera: Sligiar si fossas
L’emprema retscha da fossas ella part d’avos dil santeri ei plaunsiu duvrada si. Per saver cavar vinavon las fossas cun la maschina sto perquei vegnir sligiau si ina nova retscha. Ord quei motiv ha la suprastonza communala decidiu da sligiar si la tiarza retscha ella part davos dil santeri.
Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.
Las suandontas fossas vegnan sligiadas si:
nr. 15 Lorenz Casutt-Casutt
nr. 16 Gion Casutt-Casutt
nr. 17 Toni Casutt
nr. 18 Toni Cathomen
nr. 19 Anna Casutt-Casutt
nr. 20 Filomena Casutt-Winzap
nr. 21 Johanna Winzap-Camathias
Sin fundament digl uorden sura numnau supplichein nus ils vegnentsuenter resp. talas persunas ch’ein responsablas per las fossas numnadas d’allontanar la crusch-fossa sco era la rama-fossa entochen fin avrel 2017.
Succeda la rumida buca enteifer il termin fixau capeta ella per incarica dalla suprastonza communala cun adossar ils cuosts als parents. Cruschs-fossa e ramas-fossa che vegnan buca allontanadas crodan senza indemnisaziun en possess dalla vischnaunca politica.
Nus supplichein per enconuschientscha ed engraziein per l’execuziun da quella ordinaziun.
