Il liug da cats archeologics sin il crest La Mutta a Falera dat perdetga dad ina da pliras culegnas dil temps da bronz per liung dallas Alps. Gia avon varga 3’500 onns colonisavan carstgauns las valladas aultsituadas dallas Alps per duvrar ils pass ch’ein enconuschents a nus aunc oz sco vias da transit. Nus savein buca danunder ch’ils habitonts dalla culegna sin La Mutta ein vegni e daco ch’els ein puspei i. Interessants cats archeologics dattan denton in’envesta ella veta ed el mintgadi dils culans da lezzas uras.
La posiziun speciala da quei liug da cats – sin ina terrassa cun la vesta sur la Val dil Rein – fan extraordinaria mintga viseta.
Duront la stad dat ei regularmein guidas publicas. Guidas da gruppas ein adina pusseivlas.
Per informaziuns ed annunzias: www.parclamutta.falera.net
