Extract dil maletg empalont dalla vischnaunca:
La natira ed igl ambient ein nies pli grond capital. Nus duvrein els cunscients dalla responsabladad ed utilisein els precautamein e cun effect persistent.
Nus s’engaschein pil manteniment e per la promoziun d’in bien provediment e d’ina buna dismessa.
Protecziun dils bulius
- Temps da schanetg: Igl 1. tochen ils 10 da mintga meins:
Duront il temps da schanetg eis ei scumandau totalmein dad ir per bulius
- Quantitad lubida ordeifer il temps da schanetg:
2 kg per persuna e di
- Scumandau eis ei:
Dad ir en gruppas cun dapli che 3 persunas, dano famiglias
Da disfar da levsenn bulius
Da duvrar utensils da tuttas sorts
Tuttas informaziuns davart la protecziun digl ambient anfleis Vus sin la pagina d’internet digl uffeci per la natira ed igl ambient.
Spazzatgamin
Tut ils indrezs da scaldar en funcziun el cantun Grischun ston vegnir controllai e schubergiai da spazzatgamins.
Per nossa vischnaunca ei il spazzatgamin suandont responsabels:
Ils Camifeghers GmbH
c/o Schmidig Fabio
Gäuggelistrasse 6
7000 Chur
Tel. +41 77 268 76 16
E-Mail info@camifeghers.ch
Web www.camifeghers.ch
Ulteriuras informaziuns anfleis Vus sin la pagina d’internet digl uffeci da polizia da fiug dil cantun Grischun.